Tuairisceán Bliantúil
Tá oibleagáid ar chuideachta Tuairisceán Bliantúil (Foirm B1) a sheachadadh chuig an CRO uair amháin ar a laghad gach bliain.
Le haghaidh tuilleadh eolais, tabhair cuairt ar an rannán Tuairisceáin Bhliantúla den suíomh. Soláthraíonn an rannán seo eolas faoi:
- Dáta an Tuairisceáin Bhliantúil (ARD) a athrú tríd an ARD a thabhairt chun cinn , nó i gcúinsí áirithe, an ARD a shíneadh
- Tuairisceán Bliantúil a Chomhdú
- Ceanglais maidir le Ráitis Airgeadais .
- Spriocdhátaí caillte chun Tuairisceán Bliantúil a chomhdú
Tabhair FAOI DEARA :
- Ní mór gach comhdú Foirm B1 agus ráiteas airgeadais a chomhlánú ar CORE
- Ní mór íocaíochtaí a phróiseáil ar CORE freisin.
Na príomhphointí le cuimhneamh agus Foirm B1 á comhdú:
- Mura mian leat ARD a athrú trí Fhoirm B73 a chur isteach, níor cheart an Fhoirm B73 a chur isteach le chéad Tuairisceán Bliantúil do chuideachta.
- Déantar an chéad Tuairisceán Bliantúil de chuid cuideachta suas go dtí an dáta atá sé mhí tar éis ionchorprú, agus níl aon ráitis airgeadais le ceangal leis an bhFoirm.
- Luaitear go sainráite in Alt 349 d’Acht na gCuideachtaí 2014 nach ceart aon ráitis airgeadais a chomhdú leis an tuairisceán sé mhí.
Comhdaítear Foirm B83 i gcás ina bhfuil an chuideachta ag athrú dheireadh na bliana airgeadais.
- Ní féidir an doiciméad seo a chomhdú ach amháin má tá an Tuairisceán Bliantúil in am.
- Ní féidir é a chomhdú i leith tuairisceáin dhéanaigh
- Ní féidir é a chríochnú ach uair amháin gach cúig bliana
Is féidir Foirm B83 a fháil ar leathanach Foirmeacha an CRO.
Féach ar Alt 288 d’Acht na gCuideachtaí 2014 le haghaidh tuilleadh eolais.