Deimhnithe Digiteacha Corpraithe Ainm Cuideachta

Eisítear Deimhnithe Corpraithe Ainm Cuideachta mar dhoiciméid “deimhnithe go digiteach”.

Agus tú ag comhdú ar CORE , cinntigh le do thoil gurb é an seoladh ríomhphoist atá curtha isteach sa réimse “Seoladh ríomhphoist na Cuideachta” an seoladh ríomhphoist ceart ar mian leat an Deimhniú Digiteach a fháil chuige. Tar éis clárúcháin gheobhaidh an láithreoir ríomhphost leis an gceannteideal “Deimhniú Corpraithe le haghaidh (Ainm na Cuideachta curtha isteach)” ina mbeidh an Deimhniú Digiteach mar dhoiciméad pdf. Beidh naisc sa ríomhphost seo freisin chuig an bhfógra ar chomhdú an chéad tuairisceáin bhliantúil, agus chuig faisnéis faoi dhualgais Rúnaí na Cuideachta, agus chuig treoir maidir le dualgais agus cumhachtaí Stiúrthóirí na Cuideachta.

Níl aon athrú ar fhormáid an Deimhnithe Corpraithe agus tá an fhaisnéis go léir a bhí ar taispeáint sna Deimhnithe páipéir roimhe seo sna Deimhnithe Digiteacha.

Tá síniú an oifigigh a chláraíonn an chuideachta thar ceann an Chláraitheora le feiceáil ar an Deimhniú Digiteach.

Tá na gnéithe slándála seo a leanas sna Deimhnithe Digiteacha:

Tá bratach daite sa doiciméad pdf ag barr an scáileáin chun a dheimhniú go bhfuil sé sínithe go digiteach mar atá deimhnithe ag an CRO. Tugann sé seo dearbhú don fhaighteoir go bhfuil an doiciméad barántúil, nár cuireadh isteach air agus go bhfuil sé fíoraithe go neamhspleách mar a fuarthas in CRO é. Is ionann an doiciméad atá deimhnithe go digiteach agus síniú dúch fliuch nótairí a chur leis.

 
Tá léiriú de na gnéithe seo sonraithe thíos:-

Is féidir le láithreoirí na deimhnithe digiteacha seo a sholáthar go díreach do thríú páirtithe ar nós bainc agus institiúidí airgeadais eile trí ríomhphost de réir mar is gá.